پۆلیسی هەولێر بۆ ئاڤا: بڵاوبوونەوەی ڤیدیۆی شەڕەکەی بەردەم قەڵا کۆنە

ئاڤا نیوز

ئێوارەی ئەمڕۆ ڤیدیۆیەک لە تۆڕە کۆمەڵایەتییەکان بڵاو بووەوە کە تێیدا دەردەکەوێت چەند گەنجێک دەبێتە شەڕیان لەبەردەم قەڵای هەولێر.

زانیاری تایبەت: نەقیب کارزان ساڵح، گوتەبێژی پۆلیسی هەولێر  بە ئاڤا میدیای ڕاگەیاند: کە ڤیدیۆکە کۆنە و هی ئەمڕۆ نییە.

ڕاگەیێنراوی فەرمی: لە بارەی ڤیدیۆکەوە پۆلیسی هەولێر دەڵێت:

- سەبارەت بەو ڤیدیۆیەی کەمێک پێش ئێستا لە هەندێک دەزگای میدیایی بڵاو کراوەتەوە گوایە ئێستا لەبەردەم قەڵای هەولێر شەڕ لەنێوان چەند کەسێک ڕوویداوە، مێژووی ئەو شەڕە کۆنە و ئێستا شاری هەولێر ئارامە<

- لەسەر ئەو شەڕە رێکاری یاسایی بەرامبەر کەسەکان گیراوەتەبەر، بۆیە داواکارین لە هەموو دەزگاکانی ڕاگەیاندن پێداچوونەوە بکەن لە ڕاست و دروستی هەواڵەکان.