پاڵاوگەیەکی نایاسایی لە هەولێر دەتەقێتەوە

ئاڤا نیوز 

 

پاڵاوگەیەکی نایاسایی لەسەر ڕێگەی هەولێر – گوێر تەقییەوە و تاوەکو ئێستاش زیانە ماددییەکانی نەزانراوە.

 

وێنە گەورەکە: شاری هەولێر نزیکەی 150 پاڵاوگە هەیە، بەشێکی زۆریان نایاسایین، مەرج و ڕێنماییە تەندروستیی و ژینگەییەکان پەیڕەو ناکەن، بەشێکیان لەناو پاڵاوگەکانیان پاڵاوگەی دیکەیان بە نایاسایی دروست کردووە، کە ڕۆن، گاز، نەوتی خام بەقاچاخ دەبەن و بەبێ ڕەچاوکردنی هیچ شتێک دەپاڵێون.

 

لێدوانی فەرمی: موقەدەم شاخەوان سەعید ساڵح، وتەبێژی بەرگریی شارستانیی هەولێر بە ئاڤای میدیای ڕاگەیاند: ئاگرەکە کۆنتڕۆڵکرا و تیمەکان ساردکردنەوە بۆ عەمبارەکان دەکەن، هاوکات ڕووداوەکە جگە لە زیانی ماددی، هیچ زیانێکی گیانی نەبووە.

 

ئەوەشی خستەڕوو کە لە ڕووداوەکە تەنیا تەنکییەک سووتاوە و تیمەکان نەیانهێستووە تەشەنە بکات.