لە ئەمریکا 100 هەزار کەس خۆیان ناونووس کردووە بۆ چاندنی گورچیلەی بەراز

ئاڤا نیوز

 

ئەمریکا دەستکەوتێکی گەورەی لەبوای پزیشکیدا ڕاگەیاند، بەوەی سەرکەوتوو بوون لە گواستنەوەی گورچیلەی بەراز بۆ مرۆڤ، ئەمەش بووەتە هۆی دروستبوونی هیوایەک بۆ نەخۆشان و  100 هەزار کەس خۆیان ناونووس کردووە تاوەکو گورچیلەیان بۆ بچێندرێتەوە.

 
چیرۆکی سەرەکی: تۆ وانا لۆنی دانیشتووی ویلایەتی ئەلابامایە لە ئەمریکا، پێشتر گورچیەلەیەکی بە دایکی دەبەخشێت و بەو هۆیەوە تا ماوەیەکی زۆر یەک گورچیلەی هەبووە، بەڵام دواتر هەست بە ئازار دەکات و باری تەندروستی خراپ دەبێت و دوای ئەوەی باری تەندروستی خراپ دەبێت، تۆ وانا لۆنی لە  22-12-2024سەردانی پزیشک دەکات، ئەوانیش پێی دەڵێن کە لە بری مرۆڤ گورچیلەی بەرازت بۆ دادەنێین، ئەویش ڕازی دەبێت.

چارەسەرەکان: دوای چاندنی گورچیلەی بەراز بۆی و 11 ڕۆژ مانەوە لە نەخۆشخانە، ئەم ژنە ئەمریکییە تەندروستی باش دەبێت و نەشتەرگەرییەکەی سەرکەوتوو دەبێت. لە 25-1-2025 دوای 61 ڕۆژ لە چاندنی گورچیلەی بەراز بۆ ئەو خانمە ئەمریکییە بووە تەمەن درێژترین کەس لە جیهاندا کە بەهۆی ئەندامی گیانەوەرێک بژیت.

 

لێدوانی فەرمی: تۆ وانا لۆنی لەو بارەیەوە دەڵێت: ئێستا ژیانێکی باش و بێ کێشە لەگەڵ خێزانەکەم دەکەم و ئەوە سەرەتایەکی نوێیە بۆ من. 

 

پزیشکانیشی باس لەوە دەکەن: بەهۆی دروست نەبوونی کێشەی تەندروستی بۆ ئەو ئافرەتە، ئێستا بووەتە سەرچاوەی هیوا بۆ ئەوەی هەوڵەکانیان زیاتر بکەن بۆ چاندنەوەی ئەندامەکانی جەستەی مرۆڤ کە لە ئاژەڵەوە وەرگیرا بێت، " گورچیلەی ئەو خانمە ئەوەندە بێ کێشەیە کەس نازانێت کە ئەو ئافرەتە گورچیلەی بەرازی بۆچێندراوە".

 

زانیاریی زیاتر: ئێستا زانایان لە هەوڵدان دەستکاری جینی بەراز بکەن بۆ ئەوەی ئەندامەکانی زیاتر لەگەڵ ئەندامی جەستەی مرۆڤ بشێت و بێ کێشە بێت، ئەمەش بەهۆی ئەوەی ڕۆژ دوای ڕۆژ نەخۆشییەکانی گورچیلە لە زیادبووندایە.