بۆ یەکەمجار لە جیهان ژنێک گورچیلەی بەرازی بۆ دادەنرێت

ئاڤا نیوز

 

لە حاڵەتێکی دەگمەندا بۆ یەکەم جار لە جیهان، ژنێکی تەمەن 53 ساڵان لە ئەمریکا نەشتەرگەری گورچیلەی بۆ دەکرێت و لە بری مرۆڤ، گورچیلەی بەرازی بۆ دادەنرێت.

 

وێنە گەورەکە: تۆ وانا لۆنی کە خەڵکی ویلایەتی ئەلابامایە لە ئەمریکا، پێشتر گورچیەلەیەکی بە دایکی دەبەخشێت و بەو هۆیەوە تا ماوەیەکی زۆر یەک گورچیلەی هەبووە، بەڵام دواتر هەست بە ئازار دەکات و باری تەندروستی خراپ دەبێت.

 

زانیاریی زیاتر: دوای ئەوەی باری تەندروستی خراپ دەبێت، تۆ وانا لۆنی سەردانی پزیشک دەکات، ئەوانیش پێی دەڵێن کە لە بری مرۆڤ گورچیلەی بەرازت بۆ دادەنێین، ئەویش ڕازی دەبێت.

 

چارەسەرەکان: دوای چاندنی گورچیلەی بەراز بۆی و 11 ڕۆژ مانەوە لە نەخۆشخانە، ئەم ژنە ئەمریکییە تەندروستی باش دەبێت و نەشتەرگەرییەکەی سەرکەوتوو دەبێت، ژنەکە دەڵێت "لەحەیاتمدا وا ئیشتیهام بۆ خواردن نەبووە، چی لەبەردەممدا بێت دەیخۆم".

خاڵە ئەرێنییەکە: دوای تاقیکردنەوە سەرکەوتووەکەم پزیشکەکان دەڵێن، لەمەودوا ئەم تاقیکردنەوەیە دەبێت بە ڕۆتین و ئاسایی دەبێتەوە، هەرکەس گورچیلەکەی کێشەی هەبوو دەتوانێت بیگۆڕیت بە گورچیلەی بەراز.