چارەنووسی ئەو ڕاوچییە کوەیتییەی لە عێراق دەستبەسەرە

ئاڤا نیوز

 

دوای دەستبەسەرکردنی بەدر عید ئەلموتەیریی ڕاوچی، بۆ ماوەی دوو هەفتە لە عێراق، بزووتنەوەیەکی فەرمی و جەماوەری هەوڵ دەدەدن بۆ کوەیت بیگەڕێننەوە.

 

ئەوەی پێویستە بیزانیت: ئەلموتەیری، پاسەپۆرتەکەشی  لە لایەن دەزگا ئەمنییەکانی عێراقەوە دەستبەسەرکراوە، ئەو ڕاوچییە داوا لە وەزارەتی دەرەوە و نوێنەرانی ئەنجوومەنی نیشتیمانی وڵاتەکەی کردووە، دەستوەردان لە دۆسیەکەی بکەن و بیگەڕێننەوە کوەیت.

 

ئەوەی ئێستا ڕوودەدات: نوێنەرانی ئەنجوومەنی نیشتمانیی کوەیت کە بەم دواییە هەڵوەشایەوە، لەوانە پەرلەمانتار محەممەد عەواد ئەلرەقیب و پەرلەمانتاری پێشوو فایز ئەلجمهور، داوایان لە وەزارەتی دەرەوە کرد دەستبەجێ دەستوەردان بۆ گەڕانەوەی ئەلموتەیری بۆ کوەیت بکات.

 

ئەوەی لەبارەیەوە دەگوترێت: میدیا ناوخۆییەکان لە زاری بەرپرسێکی کۆمەڵەی پارێزەرانی کوەیتییەوە بڵاویانکردەوە، کۆمەڵەکە بڕیاریداوە پارێزەرێک بۆ بەدواداچوون بۆ دۆسیەکە لە عێراق بنێرێت.

 

باکگراوند: بەدر عید ئەلموتەیری بە "قەناس" ناسراوە، بە ئامانجی ڕاوکردنی باڵندە هاتبووە عێراقەوە، بەڵام بەهۆی ئەو باڵندانەی کە ڕاویکردبوون و لە سنووری وشکانی عێراق -کوەیت دەستگیرکرا و لەگەڵیدا ئۆتۆمبێلەکەی و دوو باڵندەی دەستی بەسەردا گیرا.