ئیسرائیل لوبنان بۆردوومان دەکاتەوە

ئاڤا نیوز

سوپای ئیسرائیل ڕایگەیاند چەند پێگەیەکی حیزبوڵای لوبنانی لە دۆڵی بیقاع لە لوبنان بۆردوومان کردووە. 

ڕاگەیێنراوی فەرمی: بە گوێرەی ڕاگەیێنراوێکی سوپای ئیسرائیل،

- لە بۆردوومانەکەدا ژێرخانی حیزبوڵڵا کە بۆ بەرهەمهێنان و پەرەپێدانی چەک و توانا سەربازییەکانی حیزبوڵڵا بەکار دەبرا، کراوەتە ئامانج.

- چەند پێگەیەکی حیزبوڵڵا لە سەر سنووری نێوان سووریا و لوبنان بۆردوومان کراون کە بۆ گواستنەوەی چەک لە سووریاوە بۆ لوبنان بەکار براون. 

ئەوەی پێویستە بیزانیت: ئەم بۆردوومانانە لە کاتێکدان کە دوو مانگ بە سەر ئاگربەستی نێوان ئیسرائیل و حیزبوڵڵادا تێدەپەڕێت کە بە هۆیەوە شەڕی نێوانیان وەستا.