واتسئەپ: کۆمپانیایەکی ئیسرائیلی هاکی کردووین

 

ئاڤا نیوز

کۆمپانیایەکی ئیسرائیلی کەلێنێکی لە وەتسئەپ دۆزیوەتەوە و بەشێک لە بەکارهێنەرانی هاک کردووە کە ڕۆژنامەنووس و کەسانی بەناوبانگی تێدایە.

لێدوانی فەرمی: بەرپرسێکی کۆمپانیای مێتا بە ئاژانسی ڕۆیتەرزی ڕایگەیاند، کۆمپانیای سیخوڕی ئیسرائیلی پاراگۆن دەیان بەکارهێنەری واتسئەپی کردووەتە ئامانج و هاکی کردوون، لەنێویاندا ڕۆژنامەنووسان و کەسانی بەناوبانگ هەن.

 

 

ئەو بەرپرسە ئاماژەی بەوەشکرد، واتسئەپ دوای هاککردنی بەشێک لە بەکارهێنەرانی لەلایەن کۆمپانیا ئیسرائیلییەکەوە، بە نامەیەک داوای ڕاگرتنی ئەو هەنگاوەی لە کۆمپانیاکە کردووە.

ڕاگەیێنراوی فەرمی: لە ڕاگەیێنراوێکدا واتسئەپ ڕایگەیاندووە، کۆمپانیاکەیان بەردەوام دەبێت لە پاراستنی پەیوەندییەکانی بەکارهێنەرانی بەشێوەیەکی تایبەت.