کۆشکی سپی: کۆڤید 19 لە تاقیگەیەکی چینەوە بڵاوبووەتەوە

ئاڤا نیوز 

 

کارۆلین لیڤیت، وتەبێژی کۆشکی سپی ڕایگەیاند، بڵاوبوونەوەی ڤایرۆسی کۆڤید-19 لە تاقیگەیەک لە شاری ووهانی چین ڕاستییەکی پشتڕاستکراوەیە.

 

وێنە گەورەکە: دەزگای هەواڵگری ئەمریکا هۆکاری بڵاوبوونەوەی ڤایرۆسی کۆڕۆنا '' کۆڤید 19''ی گەڕاندەوە بۆ تاقیگەیەکی پزیشکی لە ووهان نەک هۆکاری سروشتی، کەمتەرخەمی حکومەتی چین بووە هۆکار بۆ ئەوەی لە سەرانسەری جیهاندا بڵاوببێتەوە.

 

لێدوانی فەرمی: کارولین لیڤیت، وتەبێژی کۆشكی سپی ڕایگەیاند: سوپاسی جۆن ڕاتکلیف، بەڕێوەبەری 'سی ئای ئەی' دەکەین کە ئەم ڕاستییەی بۆ گەلی ئەمریکا ئاشکرا کرد، هاوکات گوتی بایدن دەیتوانی ئەم ڕاستییە بۆ گەلی ئەمریکا ئاشکرا بکات.

 

لەلایەکی دیکەوە: ماو نینگ، وتەبێژی وەزارەتی دەرەوەی چین گوتی: ''تیمی پسپۆڕی پزیشکی  هاوبەشی چین و ڕێکخراوی تەندروستی جیهانی  سەردانی مەیدانی تاقیگەکەیان کردووە و بۆیان دەرکەوتووە کە ئەم هەواڵانە دوورن لە ڕاستییەوە''.

 

باکگراوند: لە 1-12-2019، یەکەم حاڵەتی تووشبوون بە کۆڕۆنا تۆمارکرا و دواتر بەشێوەیەکی خێرا لە سەرانسەری جیهاندا بڵاوبووە و بووە هۆی گیان لەدەستدانی ملیۆنان کەس.