ڤەنزوێلا شەش ئەمریکی ئازاد دەکات

ئاڤا نیوز

 

دوای کۆبوونەوەی نێوان سەرۆکی ڤەنزویلا و نوێنەری ترەمپ، شەش هاووڵاتی ئەمریکی ئازاد کران.

 

چیرۆکی سەرەکی: شەش هاووڵاتیی ئەمریکی کە لە ڤەنزوێلا دەستگیر کرابوون ئازاد کران ئەمەش دوای ئەوەی نیکۆلاس مادورۆ، سەرۆکی ڤەنزوێلا، لەگەڵ ڕێچارد گرێنێل، نوێنەری دۆناڵد ترەمپ، سەرۆکی ئەمریکا، کۆبوویەوە. 

زانیاریی زیاتر: لە کۆبوونەوەکەدا نوێنەری ترەمپ هەروەها داوای لە مادورۆ کردووە بێ هیچ مەرجێک ڕازی بێت بە وەرگرتنەوەی هەموو ئەو کۆچبەرانەی ڤەنزوێلا کە لە ئەمریکاوە دیپۆرت دەکرێنەوە و بە فڕۆکە دەگەیێنرێنەوە ڤەنزوێلا.

 

مادورۆ لە کۆبوونەوەکەدا داوای "سەرەتایەکی نوێ" لە پەیوەندییەکانی نێوان واشنتن و کاراکاسی کردووە. 

لەلایەکی دیکەوە: گرێنێل هەروەها هۆشداری ئەوەی داوە کە ئەگەر ڤەنزوێلا ئەم داوایە پەسەند نەکات ئەوا لێکەوتەی بە دوادا دێت. 

شەش کەسەکە لەگەڵ گرێنێڵ بۆ ئەمریکا گەڕێنرانەوە و ترەمپ لە پۆستێکیدا لە تۆڕی کۆمەڵایەتیی سۆشیاڵ تروس سوپاس گرێنێڵی کرد و کارەکە بە کارێکی مەزن وەسف کرد.