هەناردەكردنی نەوتی عێراق بۆ ئەمریكا ئاستی سعوودیە تێدەپەڕێنێت

ئاڤا نیوز

ئیدارەی ڕاگەیاندنی وزەی ئەمریكا ڕایگەیاند، هەناردەی نەوتی عێراق بۆ ئەمریكا لە ماوەی هەفتەی ڕابردوودا بەرزبووەتەوە و ئاستی سعوودیەی تێپەڕاندووە.

ڕاگەیێنراوی فەرمی: ئیدارەی ڕاگەیاندنی وزەی ئەمریكا ئاشكرایكرد، تێكڕای هاوردەكردنی نەوتی خاوی ئەمریكا لە ماوەی هەفتەی ڕابردوودا لە هەشت وڵات گەیشتووەتە پێنج ملیۆن و 249 هەزار بەرمیل لە ڕۆژێكدا.

ئەوەی پێویستە بیزانیت: هەناردەی نەوتی عێراق بۆ ئەمریكا 240 هەزار بەرمیلە لە ڕۆژێكدا، بەراورد بە هەفتەی ڕابردوو 14 هەزار بەرمیل لە ڕۆژێكدا زیادیكردووە؛ كە ڕۆژانە 226 هەزار بەرمیل بووە.