لە هەولێر نزیکەی 70 هەزار پارچە زەوی ئامادەن بۆ دابەشکردن

ئاڤا نیوز

 

قۆناغی دووەمی دابەشکردنی زەوی دەستپێدەکات و ناوی 200 هەزار فەرمانبەر بۆ وەرگرتنی زەوی ڕەوانەی سەرۆکایەتیی ئەنجوومەنی وەزیران کراوە بەمەبەستی پەسەند کردنیان. 

 

چیرۆکی سەرەکی:  لە قۆناغی یەکەمی دابەشکردنی زەوی زیاتر لە 10 هەزار پارچە زەوی لە هەولێر، سلێمانی، دهۆک و زاخۆ دابەشکران، ئەم قۆناغە هەڵەبجە، سۆران، گەرمیان و ڕاپەڕینیش دەگرێتەوە، وردبینی زیاتر لە 200 هەزار فۆڕم کراوە و لە دوای پەسەند کردنی فەرمانبەران سوودمەند دەبن لە وەگرتنی زەوییەکانیان. 

 

لێدوانی فەرمی: کارزان عەبدولهادی، سەرۆکی شارەوانی هەولێر بە ئاڤا ڕاگەیاند: فۆڕمی زیاتر لە 200 هەزار فەرمانبەر ڕەوانەی ئەنجوومەنی وەزیران کراوە و زیاتر لە 60 هەزار فۆڕمیان هی فەرمانبەرانی سنووری هەولێرن. ئێستا 70 هەزار پارچە زەوی ئامادەیە بۆ دابەشکردن و هەر کات ناوەکانیان گەڕایەوە سوودمەند دەبن لە وەرگرتنی زەوی. 

 

زانیاریی زیاتر: ئێستا ئامادەکاریی دەکرێت بۆ جێبەجێکردنی قۆناغی سێیەمی دابەشکردنی زەوی.