سەرۆک ئەركانی سوپا: هیچ هێزێكی هاوپەیمانان لەسەر خاكی عێراق نەماوە

ئاڤا نیوز

سەرۆک ئەرکانی سوپای عێراق  ڕایگەیاند "هیچ هێزێکی سەربازی هاوپەیمانان لەسەر خاکی عێراق نەماوە."

وێنە گەورەکە: هەفتانە کۆبوونەوەی لیژنەی باڵای سەربازی لە عێراق دەکرێت، پڕۆسەی کشانەوەی هێزەکانی هاوپەیمانان لە عێراق پرسێکی سەرەکی کۆبوونەوەکانە.

لێدوانی فەرمی: فەریقی یەکەم عەبدولئەمیر ڕەشید یارەڵا، سەرۆکی ئەرکانی سوپای عێراق لە چاوپێکەوتنێکی تەلەڤزیۆنیدا گوتی:"دوای کۆبوونەوە لەگەڵ فەرماندەی گشتیی هێزە چەکدارەکانی عێراق، سێ لیژنە پێکهێنران بۆ هەڵسەنگاندنی دۆخی دوای داعش، دووەمیان لیژنەی تایبەت بە گۆڕەپانی ئۆپەراسیۆنەکان هەروەها توانای هێزە ئەمنییەکانی عێراق."

زانیاریی زیاتر: هاوپەیمانی نێودەوڵەتیی هیچ هێزێکی زەمینی لە عێراق نییە، ئەم ئەرکە بە سوپا، حەشدی شەعبی، دژە تیرۆر و پۆلیسی فیدڕاڵی دراوە، پێویستمان بە هیچ هێزێک نیە بۆ هاوکاریکردنمان.

ئەوەی پێویستە بیزانیت: ئەمریکا لە عێراق دوو هەزار و 500 سەربازی هەیە و لەسەر داوای حکومەتی عێراق هاتوون، بۆ ڕاوێژ و هاوکاریکردنی سوپای عێراق و پێشمەرگە بۆ ڕووبەڕووبوونەوەی داعش.