لە سوید هێرشێکی چەکداریی کرایە سەر قوتابخانەیەک و کوژراو هەیە

ئاڤا نیوز

 

بەهۆی هێرشێکی چەکداری بۆ سەر قوتابخانەیەک لە شاری 'ئۆربرۆ' لە باشووری سوید لانیکەم 10 کەس کوژران.

 

ڕاگەیێنراوی فەرمی: لەبارەی ڕووداوەکەوە پۆلیسی سوید ڕایگەیاند، ئەو کەسەی گومان دەکرێت هێرشکارەکە بێت: پیاوێکە و بریندار بووە، هێشتاش دیار نییە کە کەسی دیکە لە هێرشەکەدا دەستی هەبووە یان نا.

 

زانیاریی زیاتر: سەبارەت بە هۆکاری پشت ئەنجامدانی هێرشەکە، پۆلیسی سوید ئاماژە بۆئەوە دەکات، هۆکاری پشت هێرشەکە نازانرێت و لێکۆڵینەوە لەم بارەوە دەستیپێکردووە. پۆلیس هەروەها تەمەن و ناسنامەی هێرشکەرەکەی ئاشکرا نەکردووە.

 

ئەوەی لەبارەیەوە دەگوترێت: بەشێک لە میدیاکانی سوید دەڵێن هێرشکارەکە دوای ئەنجامدانی هێرشەکە هەوڵی خۆکوشتنی داوە.