وەزیری دەرەوەی ئەمریکا پشتگیری لە پلانەکەی ترەمپ دەکات

ئاڤا نیوز

مارکۆ ڕۆبیۆ، وەزیری دەرەوەی ئەمریکا پشتگیری لە پلانی دۆناڵد ترەمپ سەرۆکی ویلایەتە یەکگرتووەکانی  ئەمریکا بۆ کۆنترۆڵکردنی غەززە دەکات.

چی ڕوودەدات: دۆناڵد ترەمپ، سەرۆکی  ئەمریکا  لەمیانەی کۆنگرەیەکی ڕۆژنامەوانی لەگەل بنیامین نەتانیاهۆ پلانێکی نوێی بۆ دانیشتووانی کەرتی غەززە خستەڕوو و کاردانەوەی بەدوای خۆیدا هێنا.

ڕاگەیێنراوی فەرمی: دۆناڵد ترەمپ، سەرۆکی ئەمریکا سەبارەت بە کەرتی غەززە ڕایگەیاند: ''ئەمریکا دەستبەسەر کەرتی غەززە دەگرێت و لە مەترسییەکان دووری دەخاتەوە، کەرتی ئابووری دەبوژێنێتەوە و هەلی کار بۆ هاووڵاتییانی دابین دەکات''.

لەلایەکی دیکەوە: مارکۆ ڕۆبیۆ، وەزیری دەرەوەی ئەمریکا ڕایگەیاند: "پێویستە غەززە لەدەستی حەماس  ڕزگار بکرێت،  وەک ئەوەی دۆناڵد ترەمپ ئاماژەی پێدا، ئەمریکا ئامادەیە سەرکردایەتیی غەززە بکات و جارێکی دیکە جوانی بکاتەوە".

کاریگەری و لێکەوتەکان: ئەم پلانەی دۆناڵد ترەمپ، بووە هۆی تووڕەکردنی شارەزایان و داکۆکیکەرانی مافی مرۆڤ، ئەم پلانەیان ئیدانە کرد.