بەڕێوەبەری خانەنشینیی کوردستان: زیاتر لە 10 هەزار  خانەنشین "یو پی ئێن"ـیان نەکردووە

ئاڤا نیوز

 

هەزاران خانەنیشن مووچەکانیان ڕاگیراوە و هۆکارەکەش تەواونەکردنی ڕێکارەکانی بایۆمەتری و ژمارەی وەزیفی (یو پی ئێن)ـە، ئاڤا میدیا دوایین زانیاریی لەبارەیانەوە ئاشکرا دەکات.

 

چیرۆکی سەرەکی: زیاتر لە 10 هەزار خانەنشین پڕۆسەی بایۆمەتری و "یو پی ئێن"ـنیان نەکردووە، بەم هۆیەشەوە مووچەکانیان لە فەرمانگەکانیان ڕاگیراوە، تاوەکو پرۆسەکەش ئەنجام نەدەن، مووچەکانیان بۆ خەرج ناکرێت.

 

لێدوانی فەرمی: مریەم عوسمان، بەڕێوەبەری گشتیی خانەنشینی هەرێمی کوردستان بە ئاڤا میدیای ڕاگەیاند: ژمارەی ئەو خانەنشینانەی تاوەکو ئێستا "یو پی ئێن"ـیان نەکردووە، 10 هەزار و 606 کەسە و بەم هۆیەوە مووچەکانیان ڕاگیراوە.

 

زانیاریی زیاتر: ئاڤا میدیا زانیویەتی ئەو خانەنشینانە مووچەکانیان نافەوتێت، کاتێک کە "یو پی ئێن" دەکەن، ئەوا مووچە ڕاگیراوەکانیان بەسەریەکەوە وەردەگرن.