لە ماوەی 12 کاتژمێردا نزیکەی دوو هێندەی مانگی ڕابردوو باران لە سلێمانی باریوە

ئاڤا نیوز

بەپێی ئەو داتایە بێت وەزارەتی گواستنەوە و گەیاندن بڵاویکردوەتەوە، لەماوەی 12 کاتژمێری ڕابردوودا زۆرترین ڕێژەی بارانبارین لەسەر ئاستی پارێزگاکانی هەرێمی کوردستان، لە پارێزگای سلێمانی بووە.

وێنە گەورەکە: ئەو شەپۆلە بارانبارینەی لەم چەند ڕۆژە ڕووی لە هەرێمی کوردستان کردووە، بەهۆی کاریگەری ناوچەیەکی پەستان نزمی دەریای ناوەڕاست و بارستە هەوای ساردی سیبری ڕوسیاوە بووە و تا هەفتەی ئایندەی بەردەوامی دەبێت.

ژمارەکان وادەڵێن: داتای بارانبارینی 12 کاتژمێری ڕابردوو دەریدەخات، لە قەزای بازیان 42.4 ملم باران باریوە کە بەرزترین ڕێژەیە، لەدوای ئەویش سەنتەری سلێمانی دێت 41.1 ملم باران باریووە. کەمترین ڕێژەی بارانبارینیش لە حاجی ئۆمەران بووە 3.6 ملم بووە، ئەمەش لەبەرئەوەی لەو ناوچەیە ڕێژەیەکی زۆری بەفر باریوە.

داتای باران بارینی قەزا و ناحیە و سەنتەری شارەکان بەمجۆرە بووە:

هەولێر 8.2 ملم 

شەمامک  8.0 ملم

خەبات  10.4 ملم

پیرمام  5.2 ملم

سلێمانى  41.1 ملم

چەمچەماڵ  15.5 ملم

دهۆک  12.6 ملم

زاخۆ  8.7 ملم

ئاکرێ 17.8 ملم

ئامێدى 10.2 ملم

بامەرنێ 11.2 ملم

مانگیش 10.8 ملم

بارزان 7.8 ملم

بازیان 42.4 ملم

دەربەندیخان 22.2 ملم

حاجى ئۆمەران 3.6 ملم

هەڵەبجە 12.8 ملم

هەڵشۆ 17.6 ملم

کەلار 29.6 ملم

کەرکووک 7.6 ملم

دووز 10.4 ملم

خانەقین 25.4 ملم

باکگراوند: هەفتەی پێشوو بەڕێوەبەرایەتیی کەشناسیی سلێمانی ڕایگەیاند، بەتێکڕا لە مانگی یەکی ئەمساڵ لە پارێزگای سلێمانی 25.2 ملم باران باریوە، بەمجۆرە بێت بارانی چەند کاتژمێری ڕابردوو نزیکەی دوو هێندەی تێکڕای مانگی ڕابردوو بووە.