هەر خواردەمەنییەک بە ئینگلیزی یان عەرەبی لەسەری نەنووسرابێت قەدەغەیە

ئاڤا نیوز

 

قایمقامییەتی قەزای ناوەندی سۆران، ڕێنماییەک ئاڕاستەی سەرجەم فرۆشگاكانی سنوورەكە دەكات كە پێكهاتووە لە چەند بڕیارێک سەبارەت فرۆشتنی خواردەمەنی.

 

زانیاریی بەدەستهاتوو: قایمقامییەتی قەزای ناوەندی سۆران، ئاگادارییەكی بۆ سەرجەم فرۆشگەكانی بەکۆمەڵ ناردووە لە سنووری سۆران و بواریان پێدەدات تاوەكو 20-2-2025، ڕێنماییەكانی تایبەت بە فرۆشتنی خواردەمەنی جێبەجێ بكەن و دوای ئەو وادەیە لێپێچینەوەی یاساییان لەگەڵ دەكرێت.

 

زانیاریی زیاتر: سەرجەم فرۆشگەكانی بەكۆمەڵ لە سنووری سۆران ئاگادار كراونەتەوە كە نابێت هیچ جۆرە خواردەمەنییەك بفرۆشن كە تەنیا بە زمانێكی بیانی وەكو فارسی و توركی لەسەری نووسرابێت و ئەمە قەدەغەیە بەڵكوو بەپێی یاسا تەنیا ئەو خواردەمەنیانە ڕێگەیان پێدەدەرێت كە بە عەرەبی و یان ئینگلیزی لەسەریان نووسراوە، هەر جۆرە خواردەمەنییەك ڕێككەوتی دروستكردن و بەسەرچوونی لەسەر نەبێت قەدەغەیە.

 

ئەمەش بزانە: ئەمانەی خوارەوە خاڵەكانی دیكەی نێو ڕێنماییەكەی قایمقامییەتی قەزای ناوەندی سۆرانن:-
-  هەر بەرهەمێكی ناوخۆیی دەبێت دەبێت ناونیشانی خۆی و شوێنی دروستكردن و مۆڵەتی تەندروستی و ڕێككەوتی دروستكردن و بەسەرچوونی لەسەر بێت.

- هەر كەلوپەلێك ڕێككەوتی دروستكردن و بەسەرچوونی بە ئاسانی ڕەشبكرێتەوە ڕێگەپێدراو نییە.
- هەر جۆرە خواردەمەنییەك كە لە كیسە دەكرێت دەبێت ناویشانی هەبێت.
- نابێت هیچ كەلوپەلێك دوو ڕێككەوتی دروستكردنی لەسەر بێت.
- یارییە ئاگرینەكان بە هەموو شێوەیەك قەدەغەن.
-خواردەمەنییەكانی نابێت لە شوێنێك بن كە ڕۆژیان لێبدرێت.
- مەرجەكانی بەرگریی شارستانی تێدابێت لە شوێنەكانی كۆگاكردن.
- دەبێت كۆگاكان  فێنككەرەوە و هەواگۆڕكێیان تێدابێت.