لە عێراق ناوچەیەکی شوێنەواریی تەمەن ملیۆن و 500 هەزار ساڵ دۆزرایەوە

ئاڤا نیوز

 

وشکبوونەوەی دەریاچەی ڕەزازە لە ڕۆژئاوای عێراق دەبێتە هۆی دۆزینەوەی ناوچەیەکی شوێنەواری و چەندین پارچە شوێنەوار و ئامێری دەستی، مێژووی هەر یەکەیان بۆ ملیۆنێک و 500 هەزار ساڵ پێش ئێستا دەگەڕێتەوە.

 

بۆچی گرنگە: زانکۆی برۆکسلی بەلجیکی، وردەکاری دۆزینەوەیەی ناوچەیەکی شوێنەواری چاخی بەردینی كۆنی لە دۆڵەکانی ڕۆژئاوای عێراق ئاشکرا دەکات و بە "مێژوویی" ناوی دەبات، چونکە پشتڕاستکردنەوەی مێژووی شارستانییەتی عێراق دەسەلمێنێت.

 

لێدوانی فەرمی: ئیلا ئێگبێرت، سەرۆکی تیمی نوێنەرایەتی زانکۆی برۆکسلی بەلجیکی ڕایگەیاند: 
-لە ئەنجامی کنە و پشکنین لە یەکێک لە دۆڵەکان کە پێدەچێت دەریاچەیەکی گەورە بووبێت لە ڕۆژئاوای عێراق و بەهۆی گۆڕانکاریی کەشوهەواوە وشکی کردبێت، تیمەکەمان چەندین پارچە شوێنەواری کۆنیان دۆزییەوە، مێژووەکەی بۆ ملیۆنێک و 500 هەزار ساڵ پێش ئێستا دەگەڕێتەوە.

-سەرجەم پارچە شوێنەوارەکان بە بەرد دروستکراون و بریتین لە ئامێری دەستی و تەور و كۆمەڵێك پارچەی دیكە کە مێژووەكەیان بۆ سەردەمی چاخی بەردینی كۆن دەگەڕێتەوە.

-هەنگاوی داهاتووی تیمەکەمان دەستەبەرکردنی بودجەی پێویستە بۆ دووبارە دەستپێکردنەوەی کاری کنە و پشکنین لەناوچەکە و ناساندنی شوێنەکە وەک ناوچەیەکی شوێنەواریی نوێ لە عێراقدا.