هەرێمی کوردستان و ئیمارات جەخت لە پەرەپێدانی پەیوەندییەکان دەکەنەوە

ئاڤا نیوز

 

لە چوارچێوەی سەردانەیەکدا بۆ ئیمارات و بەشداریکردنی لە لووتکەی جیهانیی حکومەتەکان لە دوبەی، سەرۆکوەزیران مەسرور بارزانی، لەگەڵ شێخ حەمدان بن محەممەد بن ڕاشد، جێنشینی دوبەی و جێگری سەرۆکوەزیرانی ئیمارات و وەزیری بەرگری ئەو وڵاتە کۆبووەوە.

 

ڕاگەیێنراوی فەرمی: بەپێی ڕاگەیێنراوی حکومەتی هەرێمی کوردستان، "لە دیدارەکەدا جەخت لە پەرەپێدانی پەیوەندیی دوولایەنە لە بوارە جیاجیاکاندا کرایەوە، سەرۆکوەزیران مەسرور بارزانی، سوپاسی پشتیوانی و هاریکاريی بەردەوامیی ئیماراتی کرد".

 

لەلایەکی دیکەوە: سەرۆکوەزیران، مەسرور بارزانی بەشداریی لە پانێلێکدا کرد بە ناونیشانی 'تێپەڕاندنی ئاڵنگارییەکان و لەدەستنەدانی دەرفەتەکان' و ڕایگەیاند: "هەوڵ دەدەین کێشە سیاسییەکانمان لەگەڵ حکومەتی فیدڕاڵی چارەسەر بکەین، لە دەرفەتەکان بڕوانینین و لەگەڵ کەرتی تایبەت کار بکەین، تاوەکو پلانەکانی چاکسازی لە حکومەت و پرۆژەکان پەرەپێبدەین".

گووتیشی، "لە بەدیهێنانی بەشێكی زۆر لە ئامانجانەکان سەرکەتوو بووین، زۆر بابەتی دیکەش ماوە لە داهاتوودا ئەنجامی بدەین".

 

ئەوەی پێویستە بیزانیت: لە ساڵی 2022ەوە، ئەمە 10یەمین جارە سەرۆکوەزیران مەسرور بارزانی، سەردانی ئیماراتی عەرەبی بکات، بەراورد بە وڵاتانی دیکەی جیهان زۆرترین سەردانەکانی بۆ میرنشینی یەکگرتووی عەرەبی (ئیمارات) بووە.