سعودییە پێشوازی لە دانیشتووانی کەرتی غەززە دەکات

ئاڤا نیوز

دیبلۆماتکارێکی باڵای سعودییە، ئەگەری نیشتەجێکردنی دانیشتووانی کەرتی غەززە لە وڵاتەکەیدا بە شێوەیەکی کاتی ڕەت ناکاتەوە. 

 

وێنە گەورەکە: کاردانەوەی نێودەوڵەتییەکان سەبارەت بە پلانێکی دۆناڵد ترەمپ بۆ خاوەندارێتی ئەمریکا لە کەرتی غەززە بەردەوامە، خالید بن بەندەر، باڵیۆزی سعودییە لە بەریتانیا ئەگەری نیشتەجێکردنی دانیشتووانی غەززە لە وڵاتەکەی بەدوور نەختەوە و ڕایگەیاند، ئەو کات بڕیاردان دەکەوێتە سەر فەلەستینییەکان. 

 

ڕاگەیێنراوی فەرمی: خالید بن بەندەر، لە چاوپێکەوتنێکی لەگەڵ ئێل بی سی بەریتانی ڕایگەیاند: 

 

-    ئێمە خۆشحاڵ دەبین بە پێشوازی لە خەڵکی غەززە، ئێمە وڵاتێکی میواندۆستین بەڵام پێموانییە کە دانیشتووانەکەی بیانەوێت بێن بۆ سعودییە و غەززە بەجێبهێڵن.

 

-    لەبەر ڕۆشنایی هەڕەشەی لەدەستدانی غەززە، فەلەستینییەکان دەیانەوێت ئەم خاکە بپارێزن. 

 

  - ئێمە پێشوازی لە گۆڕینی غەززە دەکەین بۆ "ریڤیرا" بەڵام نەک بە دەرکردنی فەلەستینییەکان.

 

زانیاریی زیاتر: ترەمپ یەکەم جار پلانی خۆی بۆ کڕینی کەرتی غەززە و گواستنەوەی دانیشتووانەکەی لە کۆنگرەیەکی ڕۆژنامەوانی هاوبەش لەگەڵ بنیامین نەتانیاهۆ، سەرۆکوەزیری ئیسرائیل لە واشنتن لە 5-2-2025 خستەڕوو. لە کۆبوونەوەکەدا، ترەمپ گووتی: ئەمریکا دەیەوێت غەززە بکاتە "ریڤیرایا"ـی ڕۆژهەڵاتی ناوەڕاست دەستەواژەی "ریڤیرا" ئاماژەیە بۆ کەناری جوانی و سەرنجڕاکێش.