لە مالی بەهۆی داڕمانی کانێکی زێڕ 48 کەس گیانیان لەدەستدا

ئاڤا نیوز

 

دەسەڵاتدارانی وڵاتی ماڵی ڕایانگەیاند، بەهۆی داڕمانی کانێکی نایاسایی زێڕ 48 کەس گیانیان لەدەستداوە.

 

وێنە گەورەکە: ئەو کانە زێڕە دەکەوێتە ڕۆژئاوای مالی و نزیکەی  هەزار و 800 کەس لە کانەکە کاریان کردووە.

 

ئەوەی پێویستە بیزانیت: بەشێکی زۆری کرێکارەکانی کانەکە ئافرەت بوون و  بۆ پەیداکردنی بژێوی ژیانیان لە دۆخێکی سەختدا لەوێ کاریان کردووە. ئەو ئافرەتانە بەشێکیان منداڵە ساواکانیشیان لەگەڵ خۆیان بردووە بۆ شوێنی کار، هەربۆیە لە کاتی داڕمانی کانەکە بەشێک لە قوربانییەکان ئەو منداڵانە بوون.

زانیاریی زیاتر: مالی لە ڕیزی پێشەوەی وڵاتانی هەژارە، بەڵام یەکێکە لەو وڵاتانەی دەوڵەمەندە بە زێر و کانزا گرانبەهاکان، بەڵام زۆربەی کانەکانی نایاسایین و دوورە پەرێزن.

 

ئەمەش بزانە: ڕوودانی ڕووداوی لەمشێوەیە بۆ مالی و کانە زێڕەکانی نوێ نییە، بە جۆرێک لە ماوەی کەمتر لە ساڵێکدا نزیکەی 70 کەس لە ڕووداوی هاوشێوە گیانیان لەدەستداوە.