کۆریای باشوور: کۆریای باکوور ساڵانە توانای بەرهەمهێنانی 20 بۆمبی ئەتۆمی هەیە

ئاڤا نیوز

 

سەرۆکی کۆریای باشوور ڕایگەیاند کۆریای باکوور ساڵانە ماددەی ئەتۆمی پێویست بۆ دروستکردنی 10 تا 20 بۆمبی ئەتۆمی بەرهەم دەهێنێت و ئەو هۆشداری دا لەوەی کە ئەم خواستە ئەتۆمییەی پیۆنگیانگ دەبێتە مەترسییەکی جیهانی.

 

لێدوانی فەرمی: لی جای میۆنگ، سەرۆکی کۆریای باشوور گوتی: جگە لە پەرەپێدانی چەکی ئەتۆمی، باکوور بەردەوامە لە باشترکردنی تەکنەلۆژیای مووشەکە کیشوەربڕەکانی کە ئامانج لێی لێدانی خاکی ئەمریکایە. 

 

ئەوەی پێویستە بیزانیت: لی، کە لە مانگی حوزەیرانی ڕابردووەوە دەستبەکار بووە، پێچەوانەی سەرۆکەکانی پێش خۆی، سیاسەتێکی نەرمتر و دیالۆگی بێ پێش مەرجی لەبەرامبەر کۆریای باکوور گرتووەتە بەر و پێی وایە پێویستە "هەڵوێستێکی پراگماتیکانە" بەرامبەر دۆسیەی ئەتۆمی باکوور هەبێت و "شێوازی ترەمپ" لە پەیوەندیکردن لەگەڵ پیۆنگیانگ دەکرێت سوودی هەبێت.