لە هەولێر و دهۆک 35 بازرگانی ماددەی هۆشبەر دەستگیرکران

ئاڤا نیوز

 

بەڕێوەبەرایەتی نەهێشتنی ماددە هۆشبەرەکانی هەرێمی کوردستان، دەستگیرکردنی 35 بازرگانی ماددە هۆشبەرەکان و دەستبەسەرداگرتنی 51 کیلۆگرام ماددەی هۆشبەریان ڕاگەیاند.

 

ڕاگەیێنراوی فەرمی: ڕۆژی 16-2-2025، بەڕێوەبەرایەتیی نەهێشتنی ماددە هۆشبەرەکان ڕایگەیاند: "لەم چەند هەفتەیەدا 35 بازرگانی ماددەی هۆشبەر لە هەولێر و دهۆک دەستگیرکراون، بەشێک لەو بازرگانانەش، کاری بازرگانیی نێودەوڵەتیی ماددەی هۆشبەریان کردووە".

 

زانیاریی بەدەستهاتوو: "لە هەڵمەتەکەی بەڕێوەبەرایەتی نەهێشتنی ماددە هۆشبەرەکان 49 کیلۆگرام ماددەی هۆشبەر لە جۆری کریستاڵ، دوو کیلۆگرام ماددەی هۆشبەر لە جۆری هیرۆین دەستی بەسەردا گیراوە".

 

ئەوەی پێویستە بیزانیت: دۆسییەی تاوان بۆ ئەو تۆمەتبارانە کراوەتەوە، بەگوێرەی یاسای بەرەنگاربوونەوەی ماددە هۆشبەرەکان و کارتێکەرە ئەقڵییەکان مامەڵەیان لەگەڵ دەکرێت.