لە دوبەی پیتزا لەڕێگەی ژیریی دەستکرد دروست دەکرێت

ئاڤا نیوز

 

لە دوبەی پیتزایەک کە ChatGPT  ژیریی دەستکرد دروستی کردووە سەرکەوتنێکی گەورە بەدەست دەهێنێت، شێفی ئەو ڕێستۆرانتەی پیتزاکەی تێدا دروست کراوە، دەڵێت، بەشێک لە هاووڵاتییان لەڕێگەی ژیری دەستکردەوە داوای پیتزای جۆراوجۆر دەکەن.

 

لێدوانی فەرمی: پارتیاک ئاروتیونیان، چێشتلێنەری زنجیرە پیتزای دۆدۆ کە بە زیرەکی دەستکرد پیتزا دروست دەکەن، ڕایگەیاند: ئامانجمان دروستکردنی پیتزایەکی داهێنەرانەبوو، لە ڕاستیدا ئەم شارە خەڵکانی نەتەوەی جۆراوجۆری وەک هیندستانی، پاکستانی، فلیپینی، ئێرانی و نیپاڵی کۆدەکاتەوە. هەروەها %90ـی خەڵکی دوبەی کەسانی گەشتیارن، بۆیە پێویستە بەردەوام داهێنان بکەین لە خواردنگەکانماندا .

ئەوەی پێویستە بیزانیت: دۆدۆ لە ڕێگەی ژیریی دەستکرد ڕێگە بە کڕیاران دەدات لەڕێگەی ئەپلیکەیشنی مۆبایلەکانیان خۆیان ئەو پیتزایەی دەیانەوێت دروستی بکەن و داوای بکەن.

 

زانیاریی زیاتر: شێفی ڕێستۆرانتی دۆدۆ دەڵێت، هەندی جار ئەمەش دەبێتە کێشە بۆمان، چونکە هاووڵاتییان داوای پیتزای سەیر و سەمەرە دەکەن، بۆ نمونە لە ڕێگەی ژیریی دەستکرد داوای پیتزای شلیک و پاستا یان توتڕک و دانەوێڵە دەکەن وەک تاقیکردنەوەی توانای ژیریی دەستکردەکەمان، ئەمەش دەبێتە کێشە بۆمان، چونکە هەندێک لە کڕیاران بە گاڵتەوە بابەتەکەیان وەرگرتووە.