قاسم ئەعرەجی: هیچ چوارچێوەیەكی یاسایی بۆ گرووپە چەكدارەكانی عێراق نییە

ئاڤا نیوز

قاسم ئەعرەجی، ڕاوێژکاری ئاسایشی نیشتیمانی عێراق لە چاوپێکەوتنێکدا ڕایگەیاند "هیچ چوارچێوەیەکی یاسایی بۆ گرووپە چەکدارەکتانی عێراق نییە".

وێنە گەورەکە: قاسم ئەعرەجی، ڕاوێژکاری ئاسایشی نیشتیمانی عێراق لە(responsiblestatecraft.org) وەڵامی چەند پرسیارێکی پەیوەست بە دۆخی عێراقی دایەوە، ئەعرەجی سەبارەت بە گرووپە چەکدارییەکانی عێراق گوتی: "ئەو گرووپانە لە دژی عێراق کارناکەن، بەڵکو پاڵپشتی لە حکومەتی ئێستای عێراق دەکەن، بەڵام هیچ چوارچێوەیەکی یاساییان نییە".

بۆچی گرنگە: ئەم گوتەی ئەعرەجی بەمانای ئەوە دێت، حکومەتی عێراق دان بەو گرووپە چەکدارییانەی ناوخۆی عێراقدا نانێت.

زانیاريی زیاتر: دەرچوونی  دوو هەزار و 500 سەربازی ئەمریکی لە عێراق، لەدوای ڕێککەوتنی نێوان لیژنەی باڵای ئەمریکا و عێراق بڕیاری لەسەر دەدرێت، ئێمە پەیوەندیمان لەگەڵ ئێران و ئەمریکا هەیە، بەڵام "ململانێی نێوانیان کاریگەریی نەرێنی لەسەر عێراق هەیە، هیوادارین عێراق نەبێتە مەیدانی شەڕی بە وەکالەت بۆ ئەوان". 

لە لایەکی دیکەوە: بەگوتەی ئەعرەجی فەرمان و ڕێنمایی لە حکومەتەوە هەیە بۆ دەستگیرکردن و دادگەییکردنی هەر کەسێک کە ڕۆڵی هەبێت لە هێرشکردنە سەر ئەمریکییەکان.