یەکێتیی ئەوروپا سزاکانی سەر سووریا هەڵدەگرێت

 

ئاڤا نیوز

یەکێتیی ئەوروپا سزای ئابووری سەر سووریا لە بوارەکانی وزە و گواستنەوە و ئاوەدانکردنەوەدا کە سەپێندراوە بەسەر ئەو وڵاتەدا هەڵدەگرێت.

وێنە گەورەکە: بڕیارە وەزیرانی دەرەوەی یەکێتیی ئەورووپا لە کۆبوونەوەیەکدا لە برۆکسل لە 24ـی شوبات تاوتوێی سووریا بکەن، لە کۆبوونەوەکە تاوتوێی  هەڵگرتنی کۆمەڵێک سزا لەسەر سووریا دەکرێت.

ڕاگەیێنراوی فەرمی: بەپێی ڕەشنووسی بەیاننامەیەک کە ئاژانسی ڕۆیتەرز بڵاویکردووەتەوە، لە دەقی نووسراوەکەی یەکێتیی ئەوروپادا هاتووە، ئەنجوومەنی ئەوروپا بڕیاریداوە کۆمەڵێک سزای سەر سووریا هەڵبگرێت لە بوارەکانی وزە، گواستنەوە و ئاوەدانکردنەوەدا، هەروەها ئاسانکاری دەکات بۆ گواستنەوەی دارایی و بانکی تایبەت بەو سێکتەرانە .

لە لایەکی دیکەوە: ئانالینا بێربۆک، وەزیری دەرەوەی ئەڵمانیا ڕایگەیاندووە، پێویستە سزا لەسەر سووریا هەڵبگیرێت، تاوەکوو ئەو وڵاتە دەکەوێتەوە سەر پێ و ڕێرەوی خۆی.

زانیاری زیاتر: پێشتریش یەکێتیی ئەوروپا ڕایگەیاندبوو، سزاکانی سەر سووریا لە بوارەکانی فڕۆکەوانی، ژێرخانی بانکی، وزە و گواستنەوەی وشکانی بۆ ماوەی ساڵێک هەڵبگیرێت.