ئیسرائیل: نەتەوەیەكگرتووەكان 450 "تیرۆرست"ـی دامەزراندووە

ئاڤا نیوز

ئیسرائیل بانگەشەی ئەوە دەكات، زیاتر لە "450 تیرۆریست" لەلایەن نەتەوە یەكگرتووەكانەوە بۆ  فەڵەستینییەكان دامەزرێنراون.

ڕاگەیێنراوی فەرمی: سوپای ئیسرائیل ڕایگەیاند: "بەپێی زانیاری هەواڵگری، زیاتر لە 450 تیرۆریستی سەر بە ڕێكخراوە تیرۆریستییەكان لە كەرتی غەززە، لەلایەن ڕێكخراوی UNRWA دامەزراون".

زانیاريی زیاتر: سوپای ئیسرائیل زانیوویەتی، ئەو  450 كەسە بۆ ریزی چەكدارەكانی بزووتنەوەی حەماس زیادكراون.

ئەوەی پێویستە بیزانیت: لە ماوەكانی ڕابردوودا، 13 وڵات هاوكارییەكانیان بۆ UNRWA ڕاگرت،  بە تۆمەتی تێوەگلانی كارمەندانی ئەو ڕێكخراوە لە كردەوە تیرۆرستییەكانی حەوتی ئۆكتۆبەری ساڵی ڕابردووی غەززە، لە كاتێكدا ئەو ڕێكخراوە سەرچاوەی سەرەكی گەیاندنی هاوكارییە مرۆییەكانە بۆ خەڵكی غەززە.