سبەی هەردوو شاندی دانووستانکاری پارتی و یەکێتی کۆدەبنەوە

 

ئاڤا نیوز

بڕیارە سبەی هەردوو شاندی دانووستانکاری پارتی و یەکێتی لە شاری سلێمانی کۆببنەوە، وتەبێژی یەکێتی نیشتمانی کوردستان لەمبارەیەوە دەڵێت 'گفتوگۆ لەسەر ئەو ڕاپۆرتە دەکرێت کە ئامادەکراوە'.

وێنە گەورەکە: لیژنەی تەکنیکی پارتی و یەکێتی دوای پێنج کۆبوونەوە ڕەشنووسێکیان ئامادەکردووە، کە دەسەڵاتی پۆستە باڵاکان و پەیکەربەندی حکومەت تێیدا دیاری کراوە، هەردوو شاندی دانووستانکار لەسەر ئەم ڕەشنووسە گفتوگۆی کۆتایی دەکەن.

لێدوانی فەرمی: سەعدی ئەحمەد پیرە، وتەبێژی یەکێتیی نیشتمانی کوردستان، بە ئاڤا میدیای ڕاگەیاند: ڕۆژی شەممە 2025-02-22، هەردوو شاندی دانووستانکاری یەکێتی و پارتی لەبارەی ئەو ڕەشنووس و ڕاپۆرتەی ئامادەکراوە کۆدەبنەوە.

ئەوەی پێویستە بیزانیت: ئەو ڕەشنووسەی ئامادەکراوە لەلایەن شاندە دانووستانکارەکانی پارتی و یەکێتی گفتوگۆیان لەسەر دەکرێت، هەوڵەکان بۆ ئەوەن پێش جەژنی ڕەمەزان کابینەی نوێی حکومەت پێکبهێنرێت.

ئەمەش بزانە: شاندی دانووستانکاری پارتی و یەکێتی دوو کۆبوونەوەیان لەسەر ئاستی باڵا لە پیرمام و دەباشان ئەنجامداوە، چاوەڕوان دەکرێت لە کۆبوونەوەی سبەی وردەکاری دابەشکاری پشک و پۆستەکان گفتوگۆیان لەسەر بکرێت.