سەرۆک بارزانی و خەمیس خەنجەر ئاڵنگارییەکانی پرۆسەی سیاسیی عێراق تاوتوێ دەکەن

ئاڤا نیوز

سەرۆک بارزانی لە پیرمام پێشوازی لە خەمیس خەنجەر کرد و لە دیدارێکدا دوایین گۆڕانکارییە سیاسییەکانی عێراق و ناوچەکەیان تاوتوێ کرد.

چیرۆکی سەرەکی: ئەمڕۆ چوارشەممە، سەرۆک بارزانی لە پیرمام پێشوازی لە خەمیس خەنجەر، کەسایەتیی سیاسیی دیاری عێراق کرد، لە دیدارێکدا بیروڕا لەبارەی بارودۆخی سیاسیی ناوچەکە بە گشتی ئاڵوگۆڕ کرا.

ڕاگەیێنراوی فەرمی: بارەگای بارزانی بڵاوی کردەوە، لە کۆبوونەوەکەدا تیشک خرایە سەر ئەو ئاڵنگارییانەی کە لە ئێستادا لەبەردەم پرۆسەی سیاسیی عێراقدا هەن، هەردوولا جەختیان لە گرنگیی هەماهەنگی و گفتوگۆ کردەوە بۆ تێپەڕاندنی قەیرانەکان و چەسپاندنی سەقامگیری لە وڵاتدا.