لە هەولێر دەست بەسەر یەک تۆن و نیو خورمای ماوەبەسەرچوودا گیرا

ئاڤا نیوز

 

ساڵانە لەگەڵ نزیکبوونەوەی مانگی ڕەمەزان هاووڵاتییان خواستییان لەسەر کڕینی خورما زیاتر دەبێت، لیژنەکانی قائیمقامیەتی هەولێریش بەردوام چاودێری بازاڕ و ئەو شوێنانە دەکەن کە خۆراک و پێدایستی ڕۆژانەی هاووڵاتییان دەفرۆشن. 

 

چیرۆکی سەرەکی: بەشێک لە خاوەن دووکانەکانی هەولێر داوایان لە ئاڤا کردبوو کە بەدواداچوون بکات بۆ ئەو خورمایەی لە بازاڕدا ساغ دەکرێتەوە، دوای ئەوە ئاڤا لیژنەکانی چاودێری بازرگانی ئاگادار دەکاتەوە و ئەوانیش لە ئەنجامی بەدواداچوونیان لە عەلوەی هەولێر دەستبەسەر یەک تۆن و نیو خورمای ماوەبەسەرچوو دەگرن و کۆگایەک و ساردکەرەوەیەکیش دادەخن. 

 

لێدوانی فەرمی: هۆگر عەلی، بەڕێوەبەری چاودێری بازرگانی هەولێر ڕایگەیاند، دوای ئەوە لیژنەکانمان لە عەلوەی هەولێر ژمارەیەک کۆگا و ساردکەرەوەی تایبەت بە خورما بەسەردەکەنەوە، دەستبەسەر بڕێکی زۆر بەرووبوومی خورمای  ماوەبەسەرچوو گیرا کە هەڵگیرابوو بۆ مانگی ڕەمەزان.

 

زانیاریی زیاتر: لە هەڵمەتەکەدا یەک تۆن و نیو خورمای تێکچوو دەستی بەسەردا گیرا و دوو کۆگا و ساردکەرەوەیەکیش داخرا، 500  کارتۆن پاکەتی نوێش لەناوبران کە ئامادەکرابوون کە بەرهەمی خراپ بە بەرواری نوێ بخەنە بازاڕەوە.