نێچیرڤان بارزانی: عێراق پێویستی بە هاوكاریی هاوبەش هەیە نەک ململانێ

ئاڤا نیوز

 

لە چوارچێوەی بەشدارییكردنی كۆنفڕانسی "لەپێناو گەشەپێدان و سەقامگیریی ناوچەکە" لە شاری بەغدا، نێچیرڤان بارزانی، سەرۆكی هەرێمی كوردستان گوتارێكی پێشكەش كرد و ڕایگەیاند، عێراق پێویستی بە هاوكاریی هاوبەش هەیە نەک ململانێ.

 
چیرۆکی سەرەکی: بەسەرپەرشتی محەممەد شیاع سوودانی، سەرۆکوەزیرانی عێراق و بە ئامادەبوونی نێچیرڤان بارزانی، سەرۆكی هەرێمی كوردستان و ژمارەیەكی دیكە لە بەرپرس و كەسایەتیی وڵاتان، پەیمانگای عێراقی بۆ دیالۆگ، میوانداریی حەوتەمین خولی کۆنفرانسی دیالۆگی نێودەوڵەتیی بەغدا دەکات.

 

لێدوانی فەرمی: نێچیرڤان بارزانی، سەرۆكی هەرێمی كوردستان لە كۆنفڕانسەكەدا گوتارێكی پێشكەش كرد و ڕایگەیاند:

 

-عێراق و ناوچەكە بە قۆناغی ئاڵوگۆڕی ستراتیژی تێدەپەڕێت و پێویستی بە هاوكاریی هاوبەش هەیە نەک ململانێ و ئاڵۆزتركردنی زیاتر. 

 

- پرۆژەی پەرەپێدان وەک دەستپێشخەریی و هەنگاوێكی مێژووییە بۆ بونیاتنانی عێراقێكی سەقامگیرتر و گەشەسەندووتر لەسەر بنەمای ئابوورییەكی فرەچەشن.

 

- ئێمە لە هەرێمی كوردستان باوەڕمان بە ئەوە هەیە كە وە هەمیشە سەقامگیری سیاسی و ئابووری بۆ تەواوی عێراق لە بەرژەوەندیی هەمووانە.

 

- پەرەپێدانی گشتیی بەدینایەت بەبێ بەیەكەوەكاركردنی هەولێر و بەغدا.

 

زانیاریی زیاتر: گۆڕانکارییەکانی سووریا و پێکهێنانی ئیدارەی نوێ لە وڵاتە، پێشهاتەکانی غەززە و باشووری لوبنان و دەرفەتەکانی سەقامگیری ناوچەکە بابەتی دیکەی کۆنفراسەکەیە کە بۆ ماوەی دوو رۆژ بەردەوام دەبێت.