ترەمپ: لەپرسی ئاشتیی جیهان پێشكەوتنی گەورەمان بەدیهێناوە

ئاڤا نیوز

 

دۆناڵد ترەمپ ڕایدەگەیەنێت، لە چارەسەركردنی قەیرانەكانی ڕۆژهەڵاتی ناوەڕاست و ئۆكراینا، پێشكەوتنی گەورەیان بەدیهێناوە.

 

لێدوانی فەرمی: دۆناڵد ترەمپ، سەرۆكی ئەمریكا وەڵامی چەند پرسێكی گرنگی نێودەوڵەتیی دایەوە و دەڵێت، "گفتوگۆی زۆر باشم لەگەڵ پووتین کردووە، بەڵام با ڕاستگۆ بم لەگەڵ لایەنی ئۆكراینی گفتوگۆكان لەئاست پێویست نەبووە". لەبارەی پلانەكەشی بۆ چۆڵكردنی غەززە، ترەمپ دەڵێت، "پلانەکەی باشە بەڵام نایەوێت بیسپێنێت تەنها پێشنیاری دەکات".

 

ئەوەی پێویستە بیزانیت: لەم دواییانەدا، ترەمپ پەیوەندیی تایبەتی لەگەڵ زێلینسكی سەرۆكی ئۆكراینا باش نییە و كیێڤ گومانی لە پشتگیرییەكانی ئەمریكا بۆ ئۆكراینا هەیە.

 

لەلایەكی دیكەوە: ترەمپ هەر لەو دیدارەدا ئاماژەی بەوەكرد، هەڵوێستی هەریەك لە وڵاتی ئوردن ومیسڕ بۆ ڕەتكردنەوەی پلانەكەی، تووشی شۆكی كردووە و لەمبارەیەوە وتی: "ئێمە ساڵانە ملیارەها دۆلار بەم دوو وڵاتە دەدەین، كەچی پشتیوانی ئێمە نەبوون."