بۆ دووەم ڕۆژ کۆنفڕانسی "ئێستا و ئایندەی کەرکووک" لە هەولێر بەردەوام دەبێت

ئاڤا نیوز

 

بە پاڵپشتی سەرۆكوەزیران مەسرور بارزانی، دووەمین ڕۆژی كۆنفڕانسی زانستی 'ئێستا و ئایندەی كەركووک' لە شاری هەولێر بەردەوام دەبێت.

 

وێنە گەورەکە: لە کاتێکدا کە سوپای عێراق ڕێگری لە جووتیارانی کورد لە گوندی شەناغەی سنووری کەرکووک دەکات لەوەی زەوییەکانیان بکێڵن، جووتیارانی کورد ڕۆژی سێشەممەیان وەک دوایین مۆڵەت بۆ لایەنە پەیوەندیدارەکان دیاری کردووە و دەڵێن: "بە هەر جۆرێک بێت، زەوییەکانمان دەکێڵین." لە چوارچێوەی پرسی کەرکووکیشدا، زانکۆی سۆران کۆنفرانسێک بەڕێوە دەبات.

 

لێدوانە فەرمی: د. شاخەوان عەبدوڵڵا، جێگری سەرۆکی پەڕلەمانی عێراق، لە یەکەم ڕۆژی کۆنفرانسەکە وتارێکی پێشکەکرد و ڕایگەیاند: ناتوانین داهاتووی کەرکووک بنیات بنێین، ئەگەر ئێستای کەرکووک چارەسەر نەکەین، ئەو چارەسەرەش تەنها جێبەجێکردنی ماددەی 140ی دەستوور، گەڕاندەوەی متمانە و گەشەپێدانی پێکەوە ژیانە لەم شارە.

 

ئەوەی پێویستە بیزانیت: لە یەکەم ڕۆژی کۆنفڕانسەکەدا تیشک خرایە سەر، کێشەی 100 ساڵەی کەرکووک، لە ڕووی سیاسی، کۆمەڵایەتی و جوگرافی، مێژوویی و ماددەی 140ی دەستوور، پڕۆسەی تەعریب، کێشەی داگیرکردنی زەویوزار و گۆڕینی دیمۆگرافییای ناوچەکە، دەرهاویشتە نەرێنییەکانی چارسەر نەکردنی کێشەکان لە سەر خەڵکی ناوچەکە بە تایبەت نەتەوەی کورد.