ئەمڕۆ هەڵبژاردنی پەرلەمانی ئەڵمانیا دەکرێت

ئاڤا نیوز

ئەمڕۆ هاووڵاتیانی ئەڵمانیا بۆ هەڵبژاردنی پەرلەمانی فیدڕاڵی وڵاتەکەیان دەچنە سەر سندووقی دەنگدان و چارەنووسی چوار ساڵی وڵاتەکەیان دیاری دەکەن.

 

وێنە گەورەکە: ڕۆژی 23-2-2025، هەڵبژاردنی پەرلەمانی ئەڵمانیا بە بەشداری 59 ملیۆن دەنگدەر بەڕێوەدەچێت، هاوکات چوار هەزار و 506 كاندیدی پارتە سیاسییەكان ڕکابەری بۆ بردنەوەی  630 کورسی پەرلەمان دەکەن.

 

زانیاریی زیاتر: پەرلەمانی ئەڵمانیا لە 16-12-2024 متمانەی لە حكومەتەكەی ڕاوێژكار ئۆلاڤ شۆڵتز، وەرگرتەوە، ئەوكات بڕیاردرا هەڵبژاردنی پەرلەمان حەوت مانگ پێشبخرێت.

 

پێدراوە ڕاستییەکان: زیاتر لە 30 ملیۆن لە دەنگدەران ئافرەتن و 28.6 ملیۆنیش دەنگدەریش پیاون، هەروەها دوو ملیۆن و 300 هەزار ئەڵمانی یەکەمجارە دەنگ بدەن. 

ئەوەی پێشبینی دەکرێت: بەگوێرەی ڕاپرسییەکان پارتی کریستیان دیموکرات بە بەدەستهێنانی  30٪ـی دەنگەکان براوەی هەڵبژاردنەکان دەبێت و 'فرێدریک مێرتز' ببێتە ڕاوێژکاری داهاتووی ئەڵمانیا.