لە بەرامبەر ترەمپ و پووتین، زیلێنسکی لووتکەی ئۆکراینا ڕادەگەیەنێت

ئاڤا نیوز

 

ئەمڕۆ دووشەممە سەرکردەکانی جیهان ڕوو لە کیێڤ پایتەخت دەکەن بۆ بەشداریکردن لە " لووتکەی ئۆکراینا 2025 " بۆ گفتوگۆکردن لەسەر جەنگی نێوان ڕووسیا و ئۆکراینا.

 

وێنە گەورەکە: لە کاتێکدا ئامادەکارییەکان بۆ کۆبوونەوەی نێوان دۆناڵد ترەمپ، سەرۆکی ئەمریکا و ڤلادیمێر پووتین، سەرۆکی ڕووسیا بۆ کۆتایهێنان بە جەنگ بەبێ بەشداری ئۆکراینا و وڵاتانی ئەوروپا بەردەوامی هەیە، ڤۆلۆدیمێر زیلێنسکی، سەرۆکی ئۆکراینا "لووتکەی ئۆکراینا 2025" بۆ تاوتوێکردنی جەنگی ڕووسیا و ئۆکراینا و ئاسایشی ئەوروپا ڕادەگەیەنێت.

 

لێدوانی فەرمی: سەرۆکی ئۆکراینا لە کۆنگرەیەکی ڕۆژنامەوانیدا ڕایگەیاند: "لوتکەی ئۆکراینا 2025" ڕۆژی دووشەممە 24-2-2025 لە کیێڤی پایتەختی ئۆکراینا بە بەشداری و ئامادەبوونی 14 سەرۆکی جیهان و پێشکەشکردنی وتار لە لایەن 24 سەرۆک و سیاسەتمەداری جیهان بەڕێوەدەچیت.

 

زیلێنسکی وتیشی: "لوتکەی ئۆکراینا 2025" دەبێت بە وەرچەرخانێکی گرنگ بۆ قۆناغی ئێستای ئۆکراینا و جیهان.

 

لەلایەکی دیکەوە: کەیر ستارمەر، سەرۆکوەزیرانی بەریتانیا، لوتکەی ئۆکراینای بە ساتێکی مێژووی و گرنگ لە پێناو ئاسایشی نیشتیمانی ئۆکراینا و ئەوروپا ناوبرد.