تەقینەوەیەک لە کونسوڵخانەی ڕووسیا لە فەرەنسا ڕووی دا

ئاڤا نیوز

 

ئەمڕۆ دووشەممە 24-2-2025 لە کونسوڵخانەی ڕووسیا لە شاری مارسێلیای فەرەنسا تەقینەوەیەک ڕوویدا.

 

وێنە گەورەکە: لە  ساڵڕۆژی 3 ساڵەی جەنگی نێوان ئۆکراینا و ڕووسیا لەلایەن کەسانی نەناسراوەوە هێرش کرایە سەر کونسوڵخانەی رووسیا لە شاری مارسێلیای فەرەنسا، باڵیۆزخانەی ئەو وڵاتەش بە هێرشێکی تیرۆریستی ناوی دەبات و داوای لێکۆڵینەوەی بەپەلە لە فەرەنسا دەکات.

 

لێدوانی فەرمی: ستانسیلاڤ ئۆرانسکی، کونسوڵی گشتیی ڕووسیا لە مارسیلیا ڕایگەیاند: هێرشی تیرۆریستی کراوەتە سەر کونسوڵخانەی ڕووسیا و مۆسکۆ داوای لێکۆڵینەوەی بەپەلە و وردی لە فەرەنسا کردووە و دەبێت بە زووترین کات ئەنجامدەرانی هێرشەکە بدۆزرێنەوە.

 

لەلایەکی دیکەوە: وەزارەتی ناوخۆی فەرەنسا ڕایگەیاند، لێکۆڵینەوەیان دەستپێکردووە و هێرشەکە هیچ زیانێکی گیانی نەبووە.