ترەمپ: تاوتوێی ڕێککەوتنی ئابووری لەگەڵ پوتن دەکەم

ئاڤا نیوز

دۆناڵد ترەمپ سەرۆکی ئەمریکا، لەگەڵ ڤلادیمێر پوتن سەرۆکی ڕووسیا ڕێککەوتنێکی گەورەی ئابووری تاوتوێ دەکات، ئەمەش لە چوارچێوەی گفتوگۆکانی کۆتاییهێنان بەو شەڕەی کە لەشکرکێشی مۆسکۆ بۆ سەر ئۆکراینا دەستیپێکردووە.

وێنە گەورەکە: لە سەروبەندی ڕێککەوتن لەسەر کۆتاییهێنان بە جەنگی  ڕووسیا و ئۆکراینا لە خاکی ئۆکراینادا، ئەمریکا و ڕووسیا هەماهەنگییەکانیان بە ڕێککەوتنی ئابووری چڕکردووەتەوە.

لێدوانی فەرمی: دۆناڵد ترەمپ سەرۆکی ئەمریکا ڕایگەیاند: لەگەڵ سەرۆکی ڕوسیا ڤلادیمێر پوتن لە گفتوگۆی جددیدام سەبارەت بە کۆتاییهاتنی جەنگ، لە چەند هەفتەی داهاتوو جەنگ ڕادەگیرێت، هەروەها مامەڵە گەورەکانی گەشەپێدانی ئابووری لە نێوان ئەمریکا و ڕووسیا ئەنجام دەدرێن و گفتوگۆکان زۆر بە باشی بەڕێوەدەچن.

باکگراوند: لە 2022-02-24، جەنگی نێوان ڕووسیا و ئۆکراینا دەستی پێکرد و ئەمڕۆ دووشەممە  تەمەنی جەنگی نێوان هەردوو دەوڵەت دەبێت بە 3 ساڵ و بە پێی زانیاریەکانی دەزگای هەواڵگریی ئۆکراینا، ڕووسیا پلانی ڕاگەیاندنی سەرکەوتنی هەیە.