هەڵمەتی داخستنی پاڵاوگە نایاساییەکانی سنووری هەولێر بەردەوامە

ئاڤا نیوز

 

هەموو ئەو پاڵاگە نایاساییانەی لەماوەی ڕابردوو تەسفیەی دوویان دەکرد داخراون و ئێستا داوا دەکرێت هەموو ئەو ئامێر و کەرستانەی کە هەیانە پێویستە هەڵیگرنەوە. 

 

چیرۆکی سەرەکی: بەشێک لەو پاڵاوگە نایاساییانەی کە لەماوەی ڕابردوودا کاریان دەکرد، تەسفیەی دوویان دەکرد، ئەمەش لەڕێگەی بەکارهێنانی خۆڵ و تێزاب و کۆستیک، گاز و بەنزینیان لە نەوتی خاو جیا دەکردەوە، ئەمەش سەرچاوەی دروستبوونی بۆنی ناخۆش و خنکێنەر بوو کە تێکەڵاوی خاک و هەوا دەکرا. 

 

زانیاریی زیاتر: ئێستا لیژنە هاوبەشەکانی سنووری هەولێر بەردەوامن لە هەڵمەتی داخستنی ئەو پاڵاوگانە و داوا دەکەن ئەو ئامێر و کەرستانەش لاببەن کە تەسفەی دوویان پێکردووە.