ئەنجوومەنی ئاسایش پڕۆژە بڕیارێک لەبارەی جەنگی نێوان ڕووسیا و ئۆکراینا پەسەند دەکات

ئاڤا نیوز

 

پڕۆژە بڕیارێک لەلایەن ئەمریکاوە پێشکەش بە ئەنجوومەنی ئاسایشی سەر بە نەتەوە یەکگرتووەکان کراوە، لەبارەی پرسی کۆتاییهێنان بە جەنگی نێوان ڕووسیا و ئۆکراینا، داوا دەکات ئاشتی هەمیشەی لەو ناوچەیە دەستبەر بکرێت. 

 

چیرۆکی سەرەکی: بە دەنگی 15 ئەندامی ئەنجوومەنی ئاسایشی سەر بە نەتەوە یەکگرتووەکان، پڕۆژە بڕیارێکی ئەمریکا پەسند کراوە کە باس لە کۆتاییهێنان بە جەنگی نێوان ئەو دوو وڵاتە دەکات، هەریەکە لە یۆنان، فەرەنسا، سلۆڤینیا، دانیمارک و بەریتانیا دەنگیان بە پڕۆژە بڕیارەکە نەداوە.

 

ڕاگەیێنراوی فەرمی: ئەنجوومەنی ئاسایشی نێودەوڵەتی لە ھەژماری خۆی لە تۆڕی کۆمەڵایەتی ئێکس ڕایگەیاندووە، پڕۆژە بڕیارێکی پەسەند کردووە کە داوا دەکات، جەنگی نێوان ڕووسیا و ئۆکراینا کۆتایی پێ بھێندرێت و ئاشتییەکی ھەمیشەیی لەنێوان ئەو دوو وڵاتە بەدی بێت.

 

قووڵتر: پڕۆژە بڕیارەکە نیگەرانی خۆی نیشانداوە لەبەرامبەر ئەوەی جەنگی سێ ساڵەی نێوان ڕووسیا و ئۆکراینا، زیانی گیانی زۆر لێ کەوتووەتەوە، جەختیشی لەسەر ئەرکی بنەڕەتی نەتەوە یەکگرتووەکان  کردووەتەوە بۆ پاراستنی ئاشتی و ئاسایشی نێودەوڵەتی.