وەزیری دارایی ئەڵمانیا ڕێگە نادات ڕووسیا بگەڕێتەوە ناو گرووپی G7

ئاڤا نیوز

یورگ کوکیس، وەزیری دارایی کاتی ئەڵمانیا ڕایگەیاند، بە پێچەوانەی ویستی دۆناڵد ترەمپ ناهێڵین ڕووسیا بگەڕێتەوە بۆ گرووپی G7.

وێنە گەورەکە: دوای ئەوەی دۆناڵد ترەمپ داوای گەڕاندنەوەی ڕووسیای کرد بۆ نێو گرووپی G7 ئەمڕۆ وەزیری دارایی ئەڵمانیا ڕەتی کردەوە ئەو وڵاتە بگەڕێنێتەوە نێو ئەو گرووپە.

ڕاگەیێنراوی فەرمی: لە چاوپێکەوتنێکیدا لەگەڵ ئاژانسی ڕۆیتەرز، کوکیس ڕایگەیاند: بە ئاشکرا شەڕی دەستدرێژی ڕووسیا دەبینین بە تایبەتی لە سێیەمین ساڵیادی داگیرکردنی ئۆکراینادا، هەروەها داواکەی ترەمپ بۆ گەڕاندنەوی مۆسکۆ بۆ ناو گرووپەکە ناگاتە ئەنجام.

ئەوەی پێویستە بیزانیت: ڕووسیا لە ساڵی 2014 دوای لکاندنی نیمچە دورگەی کریمیا بە خاکی خۆی، لە "گرووپی G8" دەرکرا و گروپەکە گۆڕا بۆ “G7” 

ئەمەش بزانە: نزیکەی دوو هەفتە پێش ئێستا ترەمپ دەرکردنی ڕووسیا لەو گرووپە بە هەڵەی گەورەی باراک ئۆباما، سەرۆکی ئەوکاتی ئەمریکای دانا و ڕایگەیاند، مۆسکۆ دەبێت بگەڕیتەوە نێو گرووپەکە.

زانیاریی زیاتر: گروپی "G7" لە هەر یەکە لە (ئەمریکا، ئەڵمانیا، بەریتانیا، ئیتاڵیا ،ژاپۆن، فەرەنسا و کەنەدا) پێکهاتووە، یەکێتی ئەوروپا وەک چاودێر ڕۆڵ لە گرووپەکە دەبینێت.