ترەمپ تووشی نەخۆشی بووە؟

 

ئاڤا نیوز

پەڵەیەکی سەوز لەسەر دەستی ترەمپ بۆتە جێگەی نیگەرانی و کۆشکی سپیش دەڵێت، مەترسی نییە و بەهۆی زۆر تەوقەکردنەوە دەستی سەرۆک وایلێهاتووە.

چیرۆکی سەرەکی: لە میانی کۆبوونەوەی دۆناڵد ترەمپ سەرۆکی ئەمریکا لەگەڵ ئیمانوێل ماکرۆن سەرۆکی فەڕەنسا چاوی میدیاکان کەوتە سەر پشتی دەستی ترەمپ و لە پشتی دەستەکانی پەڵەیەکی گەورەی سەوز دەرکەوتوون ئەمەش نیگەرانی لێکەوتەوە.

لێدوانی فەرمی: کارۆلین لیڤیت وتەبێژی کۆشکی سپی ڕایگەیاند، سەرۆک ترەمپ پیاوی گەلە و ڕۆژانە زیاتر لە هەر سەرۆکێکی دیکەی مێژوو چاوی بە ئەمریکییەکان دەکەوێت و تەوقەیان لەگەڵ دەکات، ئەو پەڵەیەش بەهۆی زۆری تەوقەکردنییەتی لەگەڵ خەڵک.

ئەوەی پێویستە بیزانیت: لە ئیدارەی پێشووی ئەمریکا میدیاکانی ئەو وڵاتە باسیان لەوەکردووە بەردەوام دەستی بەرپرسانی ئەمریکا سووربوونەوە و پەڵەیان پێوەیە.