نوێنەری نەتەوەیەکگرتووەکان داوای لێبووردن لە کوردانی کەرکووک دەکات

ئاڤا نیوز

 

نوێنەری تایبەتیی ئەمینداری گشتیی نەتەوەیەکگرتووەکان له‌ عێراق داوای لێبووردن لە دانیشتووانی پارێزگای کەرکووک دەکات کە نازانێت بەزمانی کوردی پەیامێکیان ئاڕاستە بکات.

 

چیرۆکی سەرەکی: ئەمڕۆ چوارشەممە 26-2-2025 نوێنەری تایبەتیی ئەمینداری گشتیی نەتەوە یەکگرتووەکان له‌ عێراق بۆ یەکەم جار سەردانی پارێزگای کەرکووکی کرد و لەگەڵ پارێزگار و سەرۆکی ئەنجوومەنی پارێزگای کەرکووک کۆبووەوە.

 

لێدوانی فەرمی: لەمیانی کۆنفرانسێکی ڕۆژنامەنوسیدا لە کەرکووک، محەممەد حەسان، نوێنەری تایبەتیی ئەمینداری گشتیی نەتەوەیەکگرتووەکان له‌ عێراق داوای لێبووردنی لە دانیشتووانی پارێزگای کەرکووک کرد  کە فێری زمانی کوردی نەبووە بۆ ئەوەی پەیامەکەی بەو زمانە "گرنگ و مێژووییە" بگەیێنێت.

 

ئەمەش بزانە: له‌ جیھاندا بە شەش ھه‌زار زمان قسە دەکرێت، زۆربەیان مه‌ترسی له‌نێوچوونیان له‌سه‌ره‌، هاوکات زۆرترین خه‌ڵك ‌ به‌ 100 زمان قسه ده‌كه‌ن، زمانی كوردیش له‌ پله‌ی 59ـەیه‌مین زمانی جیهاندایه‌.