پارێزگای هەولێر چەند بڕیارێك سەبارەت بە مانگی ڕەمەزان دەدات

ئاڤا نیوز

چەند ڕۆژێك ماوە بۆ مانگی ڕەمەزان و وەك هەر ساڵێك سەبارەت بە ئەو مانگە پارێزگای هەولێر، ژمارەیەك بڕیار دەردەكات.

زانیاریی بەدەستهاتوو: وابڕیارە ئەمڕۆ پێنجشەممە، 2025-02-27، پارێزگاری هەولێر لەگەڵ لایەنە پەیوەندیدارەكان كۆببێتەوە و دوای كۆبوونەوەكە ژمارەیەكی بڕیار تایبەت بە مانگی ڕەمەزان ڕادەگەیێنرێت.

زانیاریی زیاتر: بڕیارەكان تایبەت بە رێکخستنی خشتەی کارەبای موەلیدەكان و کەمکردنەوەی دەوامی دامودەزگاکان و چاودێریکردنی بازاڕەكانە و لە ئەمڕۆوە چەند ڕێككارێكی پێویست بۆ كۆنتڕۆڵكردنی نرخی خۆراك و كەلوپەل لە بازاڕەكان و ڕێگریكردن لە فرۆشتنی خۆراكی خراپ و ماوەبەسەرچوو دەگیرێنە بەر.

ئەمەش بزانە: هەرچەندە مەرجەعی باڵای شیعە مەزهەبەکان لە عێراق، ڕۆژی 2025-03-02ـی وەکو یەکەم ڕۆژی مانگی ڕەمەزانی دیار كردووە،  بەڵام وەقفی سوننی لە عێراق تاوەکو ئێستا هیچ بڕیارێکی نەداوە سەبارەت بە دیاریکردنی یەکەم ڕۆژی ڕەمەزان، بەپێی پێشبینییە فەلەكناسییەكانیش ڕۆژی شەممەی داهاتوو 2025-03-01، یەكەم ڕۆژی مانگی ڕەمەزانە.