عێراق 130 زیندانی ئێرانی ڕادەستی وڵاتەکەی دەکاتەوە

ئاڤا نیوز

حکومەتی ئێران ڕایگەیاند 130 هاوڵاتی ئێرانی کە لە عێراق زیندانی کراون بە تۆمەتی جیاجیا ڕادەستی وڵات دەکرێنەوە.

چیرۆکی سەرەکی: لە چوارچێوەی ئاڵۆگۆڕی بەندکراوان لە نێوان ئێران و عێراق، 130 زیندانی ئێرانی کە لە بەندینخانەکانی عێراقدان ڕادەستی ئەو وڵاتەکە دەکرێنەوە.

ڕاگەیێنراوی فەرمی: عەسکەر جەلالیان، جیگری وەزیری دادی ئێران ڕایگەیاند: بە پێی ڕێککەوتنمان لەگەڵ عێراق بۆ ئاڵوگۆڕی زیندانیان و بە مەبەستی تەواوکردنی سزاکانیان، زیندانییان لە دەروازەی سنووری میهرانەوە ڕادەستی ئێران دەکرێنەوە و دەگەڕێنرێنەوە ئەو شارانەی ئێران کە تێیدا ژیاون.

زانیاری زیاتر: جەلالییان ئاماژەی بەوەدا کە وڵاتەکەی لەگەڵ 29 وڵاتی جیهان لەم بارەیەوە ڕێککەوتنی هەیە بۆ گەڕاندنەوەی زیندانیان.