هاتوچۆی هەولێر: هەر ئۆتۆمبێلێک پێچەوانەی شەقام بڕوات کامێراکان سزای بۆ تۆمار دەکەن

ئاڤا نیوز

 

بەڕێوەبەرایەتی هاتوچۆی هەولێر ڕایگەیاندووە، لە دوای کاتژمێر 12ـی ئەمشەو کامێراکانی تۆمار کردنی تیژڕۆیی، بە شێوەی تاقیکاری سەرپێچییەکی نوێی ئۆتۆمبێل تۆمار دەکەن.

 

وێنە گەورەکە: ماوەی ساڵێکە کامێرای پۆینت توو پۆینت وەک سیستمێکی نوێی تۆمارکردنی سزای سەرپێچی تیژڕۆیی ئۆتۆمبێل، لە شەقامە سەرەکییەکان و ڕێگاکانی دەرەوەی شارەکان دانراوە.

 

ڕاگەیێنراوی فەرمی: بەڕێوەبەرایەتی هاتوچۆی هەولێر ئاگاداری شۆفێران دەکاتەوە، لە دوای کاتژمێر 12ـی ئەمشەو هەینیەوە، سەرجەم کامێرا جێگیرەکانی تۆمارکردنی تیژڕۆیی، سەرپێچی ڕۆیشتن بە پێچەوانەی ئاراستەی شەقامیش  تۆمار دەکەن، بەڵام بە شێوەی تاقیکاری (تێست) بۆ ماوەی هەفتەیەک.

 

هاتوچۆی هەولێر دەڵێت، دوای 3-7-2025 سەرجەم کامێراکانی تیژڕۆیی  سەرپێچی ڕۆیشتن بەئاراستەی شەقامیش تۆمار دەکەن.