بەریتانیا میوانداریی سەرکردەی وڵاتان بۆ پشتگیری لە ئۆکراینا دەکات

ئاڤا نیوز

 

ئەمڕۆ  لە لەندەنی پایتەختی بەریتانیا کۆبوونەوەی لووتکەی سەرکردەکانی ئەوروپا  بۆ پشتگیری لە ئۆکراینا بەڕێوەدەچێت.

 
وێنە گەورەکە: ڕۆژی یەکشەممە، 2-3-2025، بەریتانیا میوانداریی سەرکردەکانی ئەوروپا لە لەندەن دەکات بۆ لووتکەیەکی چارەنووسساز، ئەمەش وەک هەوڵێک بۆ دووپاتکردنەوەی پشتگیریی وڵاتانی ڕۆژئاوا بۆ ئۆکراینا و ڤۆلۆدیمیر زێلینسکی، سەرۆکی ئۆکراینا لەدوای دەمەقاڵێ توندەکەی  لەگەڵ دۆناڵد ترەمپ، سەرۆکی ئەمریکا لە کۆشکی سپی. 
 
ئەمەش بزانە: ڕۆژی شەممە، ڤۆلۆدیمێر زێلینسکی، سەرۆکی ئۆکراینا لەلایەن کیەر ستارمەر، سەرۆکوەزیرانی بەریتانیا پێشوازی لێکرا، دواتر لەندەن و کیێڤ ڕێککەوتنێکی هاوکاریی سەربازیان بە بڕی زیاتر لە دوو ملیار یۆرۆ بۆ پاڵپشتیکردنی  ئۆکرانیا واژۆ کرد.

 

ئەوەی لەو بارەیەوە دەگوترێت: لووتکەکە بە بەشداری هەریەکە لە، ئیمانوێل ماکرۆن، سەرۆکی فەرەنسا، ئۆروسلا ڤۆندەرلاین، سەرۆکی کۆمیسیۆنی ئەورووپا، مارک رووتە، سکرتێری گشتیی ناتۆ، ئۆلاف شوڵتز، ڕاوێژکاری کاربەڕێکەری ئەڵمانیا، جەستن ترودۆ، سەرۆکوەزیرانی کەنەدا و هاوکات بە بەشداریی بەرپرسە باڵاکانی هۆڵەندا، نەرویج، پۆڵەندا، تورکیا و چەندین وڵاتی دیکە بەڕێوەبچێت.

 

زانیاریی زیاتر: ئەم لووتکەیە پێش کۆبوونەوەی لووتکەی نائاسایی ئەوروپایە سەبارەت بە ئۆکرانیا کە بڕیارە لە 6ی ئازار لە برۆکسل بەڕێوەبچێت.