حکومەتی عێراق بەردەوامە لە پێدانی مۆڵەتی چەکهەڵگرتن بە هاووڵاتییان

ئاڤا نیوز

 

لە عێراق میکانیزمی تۆمارکردنی چەکی هاووڵاتییان لە ماڵەکانیاندا تا کۆتایی ئەمساڵ بەردەوام دەبێت، تاوەکو ئێستاش هەزاران سەرۆک خێزان ناوی خۆیان بۆ تۆمارکردنی چەک لە وەزارەتی ناوخۆ نووسیوە.

 

ڕاگەیێنراوی فەرمی: لیوا مەنسوور عەلی سوڵتان، یاریدەدەری بریکاری کاروباری پۆلیس لە وەزارەتی ناوخۆی عێراق ڕایگەیاند: پرۆسەی کڕینەوەی چەک لە هاووڵاتییان لە پالتفۆڕمی "ئۆر" بەردەوامە، هاوکات تاوەکو ئێستاش تۆمارکردنی چەکی هاووڵاتییان لە ماڵەکانیاندا لەلایەن سەرۆک خێزانەکانەوە گەیشتووەتە زیاتر لە 35 هەزار کەس، پرۆسەکەش تاوەکو 31-12-2025 بەردەوام دەبێت.

 
زانیاریی زیاتر: هەزار چەکی مۆڵەتپێنەدراو لە ساڵی 2024 دەستیان بەسەردا گیراوە، هاوکات 32 هەزار چەک لە وەزارەتە مەدەنییەکان وەرگیراونەتەوە، هەروەها ملیۆنەها کەلوپەل، تەقەمەنی، سەدان مووشەک و بۆمبی نەتەقیو دەستیان بەسەردا گیرا، ئێستاش کارەکان بەردەوامن.

 

ئەوەی پێویستە بیزانیت: وەزارەتی ناوخۆی عێراق لیژنەیەکی بەناوی "لیژنەی کۆنترۆڵکردن و ڕێکخستنی چەک" پێکهێناوە بۆ  وەرگرتنەوەی چەک لە هاووڵاتییان و پێدانی مۆڵەت بۆ هەڵگرتنی چەک، لە ساڵی ڕابردوودا دوو قۆناغی تەواو بوو و قۆناغی سێیەم لە سەرەتای ئەمساڵەوە دەستیپێکردووە و دوو ساڵ دەخایەنێت.