د.سامان بەرزنجی: نرخی پشکنینەکان لەسەر هاووڵاتیان زیاد نەکراوە

ئاڤا نیوز

 

وەزیری تەندروستیی حکومەتی هەرێمی کوردستان ڕوونکردنەوە لەسەر نرخی پشکنینەکان لە تاقیگە حکومییەکان دەدات و جەخت لە پاراستنی مافی هاووڵاتییان دەکاتەوە.

 

چیرۆکی سەرەکی: پێشتر لە تۆڕە کۆمەڵایەتییەکان وا بڵاوکرایەوە، حکومەتی هەرێمی کوردستان، تاقیگەکانی وەزارەتی تەندروستی ڕادەستی کەرتی تایبەت دەکات، ئەمەش نرخی پشکنینەکان لەسەر هاووڵاتییان زیاد دەکات.

 

لێدوانی فەرمی: د.سامان بەرزنجی، وەزیری تەندروستیی حکومەتی هەرێمی کوردستان بە ئاڤا میدیای ڕاگەیاند: هیچ تاقیگەیەکی حکومی نەدراوەتە کەرتی تایبەت و ئەوەی لەوبارەیەوە بڵاودەکرێتەوە تەنها پڕوپاگەندەیە و هیچی تر.

 

ئەوەی پێویستە بیزانیت: د. سامان بەرزنجی، دەشڵێت:

 

- شێوازی گرێبەستەکان بۆ دابینکردنی پێداویستییەکانی تاقیگە بەشێوەی تێست گۆڕانکاری بەسەردا هاتووە.
- نرخی پشکنینەکان لەسەر هاووڵاتییان زیاد نەکراوە.
- هیچ بارگرانییەک ناخرێتە سەر نەخۆش و ئەوانەی دەیانەوێت پشکنین بکەن.
- دوای پشکنین لە تاقیگە حکومییەکان، هاووڵاتییان لەڕێگەی سیستمی ئەلیکترۆنییەوە ئەنجامەکانیان وەردەگرنەوە.