سەرۆکوەزیرانی بەریتانیا: هاوکاری ئۆکراینا دەکەین بۆ کڕینی پێنج هەزار مووشەکی بەرگریی ئاسمانی

ئاڤا نیوز

کییەر ستارمەر، سەرۆکوەزیرانی بەریتانیا ڕایگەیاند، ئێمە بەردەوام دەبین لە پشتیوانی سەربازی بۆ ئۆکراینا و فشارەکان بۆ سەر ڕووسیا زیاد دەکەین.

وێنە گەورەکە: کیێر ستارمەر، سەرۆکوەزیرانی بەریتانیا لە کۆتایی لووتکەی لەندەن سەبارەت بە ئۆکراینا لە کۆنگرەیەکی ڕۆژنامەوانی وتی، بەردەوام دەبن لە پشتیگیرییەکانی ئۆکراینا و فشاری زیاتر دەخەنە سەر ڕووسیا و هەر ڕێککەوتنێکی لاواز لەسەر ئۆکراینا ڕەتدەکەنەوە کە ڕووسیا بتوانێت بە ئاسانی پێشێلی بکات.

لێدوانی فەرمی: کیێر ستارمەر لە کۆنگەرەکە ڕایگەیاند:

٠ پلانێک بۆ وەستاندنی شەڕی ئۆکراینا دەخەینە بەردەم ئەمریکا.

٠ ئێمە دەمانەوێت ئاشتییەکی هەمیشەیی لە ئۆکراینا هەبێت کە لە بەرژەوەندی هەمووان بێت.

٠ ئێمە هەر ڕێککەوتنێکی لاواز لەسەر ئۆکراینا ڕەتدەکەینەوە کە ڕووسیا بتوانێت بە ئاسانی پێشێلی بکات.

٠ دەبێت ئۆکراینا لەسەر مێزی دانوستان بێت.

٠ ڕێککەوتین لەسەر بەهێزکردنی هێزی بەرگریی ئۆکراینا.

٠ بەردەوام دەبین لە پشتیوانی سەربازی بۆ ئۆکراینا و فشارەکان بۆ سەر ڕووسیا زیاد دەکەین.

ئەمریکا وەک هاوبەشێکی متمانەپێکراو دەمێنێتەوە.

ئەوەی پێویستە بیزانیت: سەرۆکوەزیرانی بەریتانیا گرێبەستێکی نوێی بە بڕی یەک ملیار و 600 هەزار پاوەند ڕاگەیاند بۆ ئەوەی ئۆکراینا بتوانێت پێنج هەزار مووشەکی بەرگریی ئاسمانی بکڕێت.