چەند چەکدارێکی نەناسراو لە سووریا هێرش دەکەنە سەر مزگەوتێک

ئاڤا نیوز

 

بەهۆی دەستڕێژی گوللــەی چەند چەکدارێکی نەناسراو لە مزگەوتێکی حەمای سووریا چوار کەس کوژران، لە دێرەزۆریش داعش هێرشی کردە سەر باڵەخانەی داواکاریی گشتی.

 

ڕاگەیێنراوی فەرمی: ڕوانگەی سووری بۆ مافەکانی مرۆڤ ڕایگەیاند: چەند چەکدارێکی نەناسراو کە ماتۆڕسکیلیان پێ بووە، لەکاتی نوێژی تەراویحدا لە مزگەوتێکی سارۆچکەی حەیالینی دەورووبەری پارێزگای حەما، دەسترێژی گوللـەیان لە نوێژخوێنان کردووە، بەهۆیەوە چوار کەس کوژراون و شەشی دیکەش برینداربوون.

 

لەلایەکی دیکەوە: هێزەکانی ئاسایشی ڕۆژئاوای کوردستان بڵاویانکردەوە، کە شانە نووستووەکانی داعش هێرشیان کردووەتە سەر باڵەخانەی داواکاریی گشتیی لە شارۆچکەی بەسێرای سەر بە دێرەزۆر و هێزەکانی ئاسایش بەرپەچی هێرشەکەیان داوەتەوە، هاوکات زیانەکانی هێرشەکە ئاشکرا نەکراون.